«الاعتذار مش حرام ولا عيب».. شوبير يعلق على أزمة حسام حسن مع الصحفيين الثلاثة

دخل الإعلامي أحمد شوبير حارس مرمى الأهلي ومنتخب مصر السابق على خط الأزمة المشتعلة بين حسام حسن المدير الفني لمنتخب مصر وثلاثة من الصحفيين الرياضيين وهم أبو المعاطي زكي وأحمد عبدالباسط ومحمد مهدي.

وقال أحمد شوبير: "فرحت جدا بإنهاء الأزمة بين المعلق الرياضي الكبير مدحت شلبي والكابتن محمود الخطيب، وقبل كده أنا سعيت إن الأزمة بين الكابتن مصطفى يونس وبين كابتن الخطيب تنتهي ورجع أكلم تاني وقولته له يا كابتن كنا قفلنا خلاص بنفتح ليه تاني أنا عايز يا جماعة لما نقفل صفحة خلاص ما نفتحهاش تاني".

وأتابع أحمد شوبير: "برضه الأزمة حاليا بين كابتن حسام حسن وبعض الزملاء، يا كابتن حسام وإبراهيم حسن لو حاجة خاصة بالأعراض مقدرش أكلم فيها لكن حاجة نقد فني أو رياضي هنا من الممكن يبقى فيها تسامح وزي ما أذيتني بكلمتين تطيب خاطري بكلمتين والموضوع انتهى، إنما ليه يا جماعة البعض عايز الدنيا دائما والعة ما خلاص يا عم".

وأضاف شوبير: "بقول لحسام وإبراهيم حسن إذا كان هناك أي خلافات مع بعض الزملاء، إن الزملاء لو كانوا أخطأوا مفيش ما يمنع الاعتذار، والاعتذار ليس خطأ أو حرام أرجو أكون واضح فيه هذا الأمر".