نادر السيد: «أنا مش زملكاوي وأخطأت لما قولت كدة»

كشف نادر السيد نجم الكرة المصرية السابق، عن النادي الذي ينتمي إليه ويفضله من بين القطبين الأهلي والزمالك، موجهًا رسالة للاعبين الشباب بشأن السوشيال ميديا.

وقال نادر السيد خلال حديثه في بودكاست «ملعبنا»: «الزمالك ليه مكانة كبيرة وليه احترامه وتقديره، ولكني عمري ما كنت وانا بلعب بعقلية المشجع، ولكني كنت بأدي دوري على أكمل وجه وبمنتهى الاحترافية».

وأضاف: «أنا لا أهلاوي ولا زملكاوي، وأخطأت من قبل بقولي إني زملكاوي، ومشيت ورا السوشيال ميديا».

وأكمل: «أنا بحترم الزمالك وبقدره وليه قيمة كبيرة، ولكني بعيش بعقلية المحترف، وتشجيعي للأهلي والزمالك دلوقتي مرتبط بمين موجود يعني لما كان طارق سليمان مدرب حراس الأهلي كنت بشجع الأهلي، ودلوقتي معتمد جمال موجود على رأس القيادة الفنية فأكيد بتمناله النجاح ونفسي يكسب».

واختتم نادر السيد حديثه قائلًا: «بنصح اللاعبين الشباب اللي بيروحوا الأهلي والزمالك متقولوش على إنتماء مش انتمائكم عشان ترضوا السوشيال ميديا، وخليكوا زي عبدالله السعيد لعب في الإسماعيلي والأهلي وبيراميدز والزمالك ومحدش عارف ميولة إية».